Cambodian Traditional Clothes : A Symbol of Identity

ឆ្នាំនេះគឺជាលើកទី២៥ដែលព្រះរាជាណាចក្រកម្ពុជាបានប្រារព្ធឡើងនូវទិវាវប្បធម៌ជាតិ។ ដើម្បីចូលរួមចំនែកក្នុងការអបអរសាទរ​នូវភាពដ៏សម្បូរបែបនៃវប្បធម៌​នឹង សម្បត្តិបេតិកភណ្ឌជាតិរបស់យើង​ស្ថាប័នអប់រំម៉េងលី ជេ. គួច បាន​ធ្វើការបង្កើតឡើងនូវនិយាមថ្មីដែលតម្រូវឱ្យបុគ្គលិក​ស្លៀកនូវសម្លៀកបំពាក់ប្រពៃណីជាតិ រៀងរាល់ថ្ងៃអង្គារ នឹង​ ថ្ងៃព្រហស្បតិ៏។ គោលបំណងរបស់ពួកយើងគឺចង់ចូលរួមចំណែកក្នុងការលើកតម្កើន និងថែរក្សា​នូវសម្លៀកបំពាក់ប្រពៃណីខ្មែរក៏ដូចជាចូលរួមជាផ្នែកមួយក្នុងការលើកតម្កើននិង បង្ហាញនូវមនសិកា​ស្នេហាជាតិ វប្បធម៌​ ប្រពៃណី ទំនៀមទម្លាប់ និងអត្តសញ្ញាណ​ទៅកាន់កុលបុត្រកុលធីតានៃកម្ពុជរដ្ឋគ្រប់រូប ជាពិសេសជាការបញ្ជ្រាបសារទៅកាន់សិស្សានុសិស្សរបស់យើងផងដែរ។​ ​មិនត្រឹមតែជាដួងព្រលឹងនៃជាតិខ្មែរ និងជាប្រភពនៃកិត្យារបស់ជាតិ សម្លៀកបំពាក់ប្រពៃណីជាតិ​បានឆ្លុះបញ្ចាំងឱ្យឃើញនូវអត្តសញ្ញាណដ៏គួរជាទីមោទករបស់ប្រជាជាតិយើង។