ពីអតីតសិស្ស Aii ទៅជាធនធានមនុស្សឆ្នើម៖ ដំណើររបស់ លោក ឡាយ លាងជា ជាមួយអាហារូបករណ៍រដ្ឋាភិបាលចិន

ថ្មីៗនេះ មជ្ឈមណ្ឌលភាសា អេ អាយ អាយ សាខា សែនសុខ ទទួលបាននូវកិត្តិយសយ៉ាងក្រៃលែង ដោយបានស្វាគមន៍ការវិលត្រឡប់មកវិញរបស់អតីតសិស្សឆ្នើមម្នាក់ គឺ លោក ឡាយ លាងជា ដើម្បីចែករំលែកបទពិសោធន៍ដ៏មានតម្លៃរបស់លោកដល់សិស្សានុសិស្ស និងមាតាបិតា។ ដំណើររបស់​ ឡាយ លាងជា គឺជានិមិត្តរូបមួយនៃការប្រែក្លាយសក្តានុពលដែលមានក្នុងខ្លួន ទៅជាឱកាសរីកចម្រើននៅថ្ងៃអនាគត។

លោក ឡាយ លាងជា បានបញ្ចប់ការសិក្សាថ្នាក់ GEP 12 ពីសាលា Aii កាលពីឆ្នាំ ២០២១។ ជាមួយនឹងមូលដ្ឋានគ្រឹះភាសាអង់គ្លេស និងការត្រៀមលក្ខណៈសិក្សាដ៏រឹងមាំ ដែលទទួលបានពីសាលា Aii លោកបានបន្តក្តីសុបិន្តរបស់ខ្លួនដើម្បីឆ្ពោះទៅប្រទេសចិន។ លោកបានទទួល អាហារូបករណ៍រដ្ឋាភិបាលចិន ហើយក៏បានចំណាយពេលបួនឆ្នាំប្រកបដោយផ្លែផ្កា ដោយបានបញ្ចប់ថ្នាក់បរិញ្ញាបត្រផ្នែក វិទ្យាសាស្ត្រកុំព្យូទ័រ (Computer Science) កាលពីឆ្នាំ ២០២៥។

ការសិក្សានៅបរទេសមិនត្រឹមតែផ្តល់ឱ្យលោក  ឡាយ លាងជា នូវចំណេះដឹងផ្នែកជំនាញកុំព្យូទ័រដ៏ស៊ីជម្រៅប៉ុណ្ណោះទេ ប៉ុន្តែថែមទាំងបានពង្រីកទស្សនៈវិស័យ និងពង្រឹងជំនាញទន់ (Soft Skills) របស់លោកយ៉ាងខ្លាំងក្លាផងដែរ។ តាមរយៈការរស់នៅ និងសិក្សាជាមួយសិស្សអន្តរជាតិ លោកបានរៀនពី ភាពឯករាជ្យ ភាពបត់បែន និងការដោះស្រាយបញ្ហា ដែលជាគន្លឹះដ៏សំខាន់សម្រាប់ជីវិតការងារនាពេលអនាគត។ ដំណើរសិក្សានេះបានជួយឱ្យលោកមានការរីកចម្រើនគ្រប់ជ្រុងជ្រោយ ទាំងផ្នែកសិក្សា និងការអភិវឌ្ឍផ្ទាល់ខ្លួន។

បន្ទាប់ពីទទួលបានភាពជោគជ័យក្នុងការសិក្សា លោក  ឡាយ លាងជា បានសម្រេចចិត្តត្រឡប់មកមាតុភូមិវិញ ដើម្បីរួមចំណែកដល់ការអភិវឌ្ឍធនធានមនុស្ស និងជាពិសេសគឺដើម្បីបំផុសគំនិតដល់សិស្សានុសិស្សជំនាន់ក្រោយនៅសាលា Aii ។ នៅក្នុងវគ្គចែករំលែកបទពិសោធន៍នេះ លោកបានផ្តល់នូវ "អាថ៌កំបាំងសំខាន់ៗដើម្បីទទួលបានអាហារូបករណ៍" ដោយសង្កត់ធ្ងន់លើសារៈសំខាន់នៃ៖

• មូលដ្ឋានគ្រឹះភាសាខ្លាំង: ភាសាអង់គ្លេស និងភាសាចិន គឺជាស្ពានឆ្ពោះទៅរកឱកាសអន្តរជាតិ។
• ការខិតខំជាប់លាប់: ភាពជោគជ័យមិនមែនកើតឡើងដោយចៃដន្យទេ តែវាកើតចេញពីវិន័យ និងការតស៊ូ។
• ការស្គាល់សក្តានុពលខ្លួនឯង: ត្រូវដឹងច្បាស់ពីចំណង់ចំណូលចិត្ត និងជំនាញដែលយើងមាន។

ដូចនេះប្រសិនបើសិស្សានុសិស្សចង់ដឹងពី អាថ៌កំបាំងសំខាន់ៗ ដែលលោក  ឡាយ លាងជា មាន ចង់ឱ្យលោកចែករំលែកបទពិសោធន៍ផ្ទាល់ខ្លួន ដើម្បីបណ្តុះបណ្តាលខ្លួនឯងនាពេលខាងមុខ សិស្សានុសិស្ស ក៏ដូចជាអ្នកអាណាព្យាបាល អាចចូលរួមបាន ដោយសាលានឹងមានរៀបចំកម្មវិធី នៅថ្ងៃសៅរ៍ ទី៦ ខែធ្នូ ឆ្នាំ២០២៥ វេលាម៉ោង ៨:៣០ ព្រឹក – ១០:៣០ ព្រឹក នៅ មជ្ឈមណ្ឌលភាសា Aii សាខាសែនសុខ ជាន់ Lobby។

ដើម្បីចូលរួមក្នុងកម្មវិធីនេះ សិស្សានុសិស្សសូមស្គេន QR Code ដើម្បីចុះឈ្មោះចូលរួម ព្រោះកៅអីក្នុងកម្មវិធីមានកំណត់៕ 

មជ្ឈមណ្ឌលភាសា អេ អាយ អាយ គឺជាស្ថាប័នផ្តល់ការអប់រំ ដែលមានកម្មវិធីសិក្សាជាភាសា អង់គ្លេស​(English) ចិន (Chinese) និងវគ្គសិក្សាឯកទេសដូចជា TOEFL, HSK, និង TESOL។

ដើម្បីសិក្សាព័ត៌មានបន្ថែម សូមអញ្ជើញទៅកាន់សាខា នៃមជ្ឈមណ្ឌលភាសា អេ អាយ អាយ ដែលនៅជិតលោកអ្នក ឬផ្ញើអ៊ីមែលមកយើងខ្ញុំតាមរយៈ info@aii.edu.kh
ត្រៀមខ្លួនចុះឈ្មោះហើយឬនៅ? សូមចុចទីនេះដើម្បីចុះឈ្មោះ៖ https://aii.edu.kh/register-now